懷孕第一週點知自己中咗？月經前小變化要留意

當你發現自己月經遲咗，但又未夠膽話自己係咪懷孕，尤其係第一週嘅時候，其實身體已經悄悄出現一啲蛛絲馬跡。呢篇文章就會同你細講懷孕第一週有咩變化，點樣從月經前嘅小細節睇出端倪，等你早啲察覺、早啲決定，無論係準備迎接新生命，定係考慮其他選擇，都更有心理準備。

懷孕第一週係點計?唔係由受孕果日開始?

好多人以為「懷孕第一週」就係受孕嗰日，但其實唔係。醫學上係以「末次月經第一日」作為懷孕計算嘅第一日。換句話講，你其實喺未受孕之前，已經被計算咗做懷孕期，所以當你聽到話「懷孕第一週」，可能根本仲未排卵或着床。

但雖然未真正懷孕，但你嘅身體其實已經進入備孕狀態，荷爾蒙開始波動，情緒、體感、甚至分泌物都可能有所變化。如果你有記錄排卵期，仲可以更準確估到自己係咪有機會中咗。

10個懷孕初期常見小徵兆，你中咗幾多個?

以下呢啲係懷孕頭一兩週常見嘅徵兆，有啲可能似月經來前嘅PMS症狀，但只要留心，細微差異都可以睇得出：

1. 乳房脹痛、乳頭變敏感

同平時經前唔同，懷孕時乳頭特別刺痛，乳暈可能會變深色。

2. 輕微落褐色分泌物(着床血)

有啲人喺着床時會有少量褐色血漬，以為係月經提早嚟，但量少同冇痛感。

3. 極易攰、體力下降

無端端成日想訓、食完就攰，可能係體內黃體酮激增導致。

4. 胃口突變/對氣味變得敏感

平時最鐘意食嘅嘢突然唔想食，聞到某啲氣味會反胃，呢個係典型初孕反應。

5. 頭暈/輕微噁心

因為血壓改變、血糖波動，會覺得暈眩或者腸胃唔舒服。

6. 小便頻密

唔係尿道炎，但一日要去廁所多次，可能係因為子宮膨脹壓住膀胱。

7. 情緒特別易波動

少少事就想喊，又或者好易嬲，係因為荷爾蒙起咗變化。

8. 下腹有漲漲地嘅感覺

唔係經痛，但覺得腹部好似有啲壓力或者痞住。

9. 體溫持續偏高

排卵後體溫本來會升，但如果高溫期超過14日以上，有機會係懷孕。

10. 月經遲到

最直接、最常見嘅懷孕徵兆，如果周期一向準，遲嚟幾日已經值得留意。

驗孕最早幾時可以驗到?

市面上嘅驗孕棒一般建議係月經預計來前3–5日內或經期遲咗1–2日後先驗，會比較準。

如果想更早知道，可以選擇抽血驗hCG，喺受孕後6–10日已經可以驗出，比驗孕棒快。

驗孕前注意：

清晨第一次小便準確度最高

驗孕棒唔好過早驗，可能驗唔出而以為冇中

驗出兩條線即使好淡都代表懷孕

如果驗咗兩條線，下一步點做?

當你確定自己懷孕，而自己未必準備好迎接BB，可以考慮以下選項：

1. 去婦科/私家診所做進一步檢查

超聲波檢查胎囊有冇着床

確定懷孕週數，有助決定處理方式(藥流/手術人流)

2. 思考自己嘅狀況

包括：年齡、健康情況、經濟能力、生活規劃、感情狀況。唔好被社會眼光壓力困住，應以自己為先。

3. 考慮去邊度終止懷孕

香港私家醫院或診所價錢偏高，程序繁複;唔少人會選擇返深圳處理，費用低、流程快，而且診所選擇多。

懷孕第一週應唔應該見醫生?

如果你懷疑自己中咗，但未確定，建議等月經真正遲咗幾日先驗孕。如果驗到兩條線，就應儘早預約婦科醫生，因為：

可以排除宮外孕風險

應對突發情況(如肚痛、出血)

安排藥流/手術前評估(例如有冇貧血、子宮位置)

深圳處理懷孕：點樣揀診所最穩陣?

唔少香港女性會選擇返深圳做藥流或手術人流，原因包括：

私家診所選擇多

成本低至¥2000起

只需做完術前檢查後當日或翌日可以安排落BB

診所流程簡化，唔使排長隊

但都要注意風險，例如：

唔好太早做(胎囊太細)

唔好太遲做(過60–70日會增加手術風險)

揀合法診所，最好有麻醉師同應急設備

術後一定要好好休息

無論係藥流定係手術人流，對身體都有一定損耗，術後請注意：

頭三日臥床休息

一星期內避免操勞、提重物

勤換護墊，避免感染

一個月內唔好性生活

避免再次懷孕：排卵可能提前，應提早避孕

FAQ：常見問題

Q：第一週驗孕準唔準?

A：睇你用咩方法。抽血較準，驗孕棒就可能因hCG未夠高而驗唔出。

Q：懷孕一週會唔會有肚痛?

A：有啲人會有輕微子宮收縮，但持續肚痛應即睇醫生。

Q：藥流定手術邊樣好?

A：視乎懷孕週數、你身體狀況、你怕唔怕痛。藥流適合50天內、無婦科病;手術可控制性高，快啲做完。

温馨提醒：懷孕第一週，身體已經比你更早知發生緊咩事。你可能只係覺得攰啲、胸痛、心情唔穩，但其實一切都可能係小生命嘅訊號。

唔論你最終決定迎接佢，定係暫時未準備好，都應該以自己健康同人生規劃為依歸，唔好勉強自己去迎合他人期望。可以去深圳搵信得過診所，做個詳細評估，了解自己選項。